WingaPrimeJayAgric Company Limited
Futa akaunti yako ya WingaPrime
Imesasishwa: 26 Septemba 2026
WingaPrime ni huduma ya JayAgric Company Limited (Tanzania). Ukurasa huu unaeleza jinsi muuzaji anavyofuta akaunti yake ya WingaPrime na taarifa zake, tunachofuta, tunachobaki nacho na kwa muda gani.
1. Jinsi ya kuomba
- Kwenye app ya WingaPrime Studio: Zaidi → Futa akaunti. Andika jina la duka lako kisha tuma.
- Kwenye tovuti: ingia studio.wingaprime.co.tz → Mipangilio → Futa akaunti.
- Kwa barua pepe: tuandikie support@wingaprime.co.tz kutoka kwenye barua pepe au namba ya simu ya akaunti yako, kichwa "Futa akaunti", pamoja na jina la duka lako.
2. Kinachofuata
- Tunathibitisha kuwa ombi limetoka kwa mwenye akaunti — tunaweza kuwasiliana nawe.
- Tunafuta akaunti na taarifa zake ndani ya siku 14 tangu ombi lako, na tunakujulisha ikishafutwa.
- Umebadili nia? Tuandikie kabla ya hapo na hakuna kitakachofutwa.
3. Tunachofuta
- Akaunti yako na taarifa za kuingia (simu, barua pepe, nenosiri).
- Duka lako na tovuti yake, bidhaa, picha, video na maarifa ya bidhaa.
- Oda, ankara na risiti, pamoja na taarifa za wanunuzi zilizomo, na orodha ya wafuasi wako.
- Nyaraka za uhakiki, picha za kitambulisho na picha za uhakiki kwa kamera.
- Namba za malipo, mipangilio, pointi na takwimu.
4. Tunachobaki nacho
- Kumbukumbu ya malipo uliyotulipa WingaPrime kwa mpango (mpango, kiasi, tarehe, kumbukumbu ya muamala) — kwa miaka 5, kwa sababu sheria ya kodi inatutaka kutunza hesabu zetu.
- Nakala za akiba (backup), pale zilipo, zinafutwa ndani ya siku 30.
- Ujumbe ambao wanunuzi waliutuma kwa duka lako kupitia namba ya WhatsApp ya WingaPrime: unafutwa ndani ya siku 90 tangu ulipotumwa.
- Barua pepe ulizotuandikia (pamoja na nakala ya ripoti uliyotuma kutoka kwenye app) zinabaki kwenye sanduku letu la barua kama mawasiliano; tuombe na tutazifuta.
- Malipo yaliyofanyika kupitia mitandao ya pesa kwa simu, Selcom au washirika wengine wa malipo, na nyaraka ulizotuomba kuzituma kwa Selcom, zinatunzwa na kampuni hizo kwa taratibu zao.
5. Kabla ya kufuta
- Pakua kumbukumbu zako za mauzo kama utazihitaji, kwa mfano kwa TRA: kwenye ukurasa wa Futa akaunti ndani ya app, au Oda → Pakua (CSV) kwenye Studio. Tukishafuta, hatuwezi kuzirejesha.
Maswali: support@wingaprime.co.tz. Sera ya faragha: Sera ya Faragha ya WingaPrime.